എന്‍റെ മനസ്സിന്‍റെ പാഴ്ചിന്തകള്‍ അക്ഷരങ്ങളെ പ്രണയിച്ചപ്പോൾ................ ..എന്‍റെ കാഴ്ചകള്‍ കാവ്യരൂപം പൂണ്ടപ്പോള്‍, അത് ഒരുപക്ഷെ താജ്‌ മഹല്‍ പോലെ സുന്ദരമാവില്ല മറിച് ഒരു കുടില്‍ പോലെ ജീവസുറ്റതാണ്.ആയിരം ജീവിതങ്ങള്‍ ഹോമിക്കേണ്ടിവന്ന താജ് മഹല്‍ മഹത്തരം തന്നെ പക്ഷെ ആയിരം ജീവിതങ്ങള്‍ക്ക്‌ തണലേകുന്ന കുടിലുകള്‍ക്കും അതിന്‍റെ മഹത്ത്വമില്ലേ?

Saturday 12 July 2014

ചോരക്കാലം

കാലമേ നിന്റെ ചോരക്കൊതിയൊട്ടും
തീർന്നിട്ടില്ലേ പുതിയ നൂറ്റാണ്ടിലും
ചോര ചിന്തി തെറിക്കുന്ന ബാല്യവും
കൊന്നു കൂട്ടുവാൻ വെമ്പും യുവാക്കളും
തോരുന്നില്ല അമ്മയ്കു കണ്ണുനീർ
വൈധവ്യത്തിൽ തീരും മധുവിധു
എന്തു  തത്ത്വ മത ശാസ്ത്രമോതിലും
ന്യായമില്ലതിനുത്തരമേകുവാൻ
ഗാസ,ബാഗ്ദാദ് ,സിറിയ, സുഡാനിലും
ചരിത്ര താളിലെ ഹിറ്റ്ലറിൻ കാലവും
രണ്ട് ലോക മഹായുദ്ധ വേളയും
എണ്ണമറ്റ കലാപവും യുദ്ധവും
കൊന്നുകൂട്ടും ഭരണകൂടങ്ങളും
എന്നുമുള്ള സ്ഫോടങ്ങളും
കഷ്ടമെത്ര ജീവൻ  പൊലിഞ്ഞു പോയ്
കഷ്ടമെത്ര സ്വപ്നങ്ങൾ മാഞ്ഞു പോയ്
അന്ത്യമില്ലേ ഇതിനൊന്നും ഓർക്കുകിൽ
എന്തു കഷ്ടമീ സുന്ദര ഭൂമിയെ
നരകമാക്കുന്നീ നരാധമർ നിത്യവും

7 comments:

  1. എല്ലാ കാലവും പാടാവുന്ന കവിത.
    യുദ്ധക്കെടുതികള്‍...

    (കഷ്ടങ്ങള്‍ ആവര്‍ത്തിക്കുന്നതുകൊണ്ട് ഒരു വരി 'നഷ്ടമെത്ര ജീവന്‍ പോലിഞ്ഞുപോയ്..' എന്നാക്കിയാലോ?

    ReplyDelete
  2. ഒന്നും അവസാനിക്കുന്നില്ല, മറിച്ച് കൂടിക്കൊണ്ടിരിക്കുന്നു.

    ReplyDelete
  3. രുധിരപ്പുഴയൊഴുകാത്തൊരു ചരിത്രവുമില്ല ലോകത്തിന്!

    ReplyDelete
  4. കഷ്ടമെത്ര ജീവൻ പൊലിഞ്ഞു പോയ്
    കഷ്ടമെത്ര സ്വപ്നങ്ങൾ മാഞ്ഞു പോയ്
    അന്ത്യമില്ലേ ഇതിനൊന്നും ഓർക്കുകിൽ
    എന്തു കഷ്ടമീ സുന്ദര ഭൂമിയെ
    നരകമാക്കുന്നീ നരാധമർ നിത്യവും

    ReplyDelete
  5. നന്നായിട്ടുണ്ട്

    ReplyDelete
  6. സ്വർഗ്ഗത്തെ നരകമാക്കുന്നവർ.
    'എണ്ണമറ്റ കലാപങ്ങ'ളില്ലാത്ത ഒരു കാലം ഉണ്ടാകുമോ?

    ReplyDelete
  7. നല്ല ആശയം...അവതരണം...
    ആശംസകള്...
    ജ്വലിക്കട്ടെ...തീനാളം കണക്കെ,,,,

    ReplyDelete

എന്ത് തോന്നുന്നു? എന്തായാലും അഭിപ്രായം പറഞ്ഞോളൂ. പറഞ്ഞോളൂന്നേ.......