വിഷുക്കൈനീട്ടം

പുലര്‍കാല വേളയില്‍ കണ്ണനെ കണികണ്ട്
വിഷു സംക്രമം ഘോഷിച്ചിടുമ്പോള്‍
ചക്കയും മാങ്ങയും നാടിന്റെ വിളകളും
കണിയായ്‌ നിറഞ്ഞിടുമ്പോള്‍
കൊന്നപ്പൂ കിട്ടുവാന്‍ നാട്ടിലെ കുട്ടികള്‍
ഒത്തു ശ്രമിച്ചിടുമ്പോള്‍
വിഷുപക്ഷി പാടുന്ന പാട്ടിന്‍റെ താളം
നാമേറ്റ് പാടിടുമ്പോള്‍
പൊന്നിന്‍ നിറമൊത്ത ഒട്ടുരുളിക്കുള്ളിലായ്‌
കണ്ടതീ നാടിന്റെ നന്മയല്ലേ
കൈനീട്ടം കിട്ടിയ നാണയത്തുട്ടുകള്‍
ഈ നാടിന്‍ സമൃദ്ധിയല്ലേ
പൊന്നിന്‍ പ്രഭവിടര്‍ത്തും നിലവിളക്കും
വര്‍ണ്ണ പ്രഭ പരത്തും പൂത്തിരിയും
വിഷുവെന്ന സ്വപ്നം പരത്തിടുമ്പോള്‍
             
   എല്ലാ മലയാളികള്‍ക്കും എന്‍റെ വിഷു ആശംസകള്‍
                  നിധീഷ്‌ വര്‍മ്മ രാജ യു