വസന്തമാണെന്നും എന്നിലെ മാറാത്ത
ഋതു അത് നിന്നുടെ ഓര്‍മ്മയാല്‍
കാലം മാറുന്നു ഭാവങ്ങള്‍ മാറുന്നു
ചാക്രികം ഈ ലോകവും മാറുന്നു
വര്‍ഷമാപിനിയ്കാവില്ലളക്കുവാന്‍
മഴയെനിക്കെന്ത്‌ ഓര്‍മ്മകള്‍ തന്നെന്ന്
ശരത് നിലാവിന്റെ നനുത്ത വെളിച്ചമായ്
നിന്റെയോര്‍മ്മകള്‍ എന്നില്‍ നിറയുന്നു
ഗ്രീഷ്മ കാലത്തിന്‍ ഉഗ്ര താപം പോലും
നിന്‍റെ ഓര്‍മ്മകുടകള്‍ ചൂടീടുന്നു
ശിശിരകാലത്തിന്‍ മഞ്ഞു കണങ്ങളില്‍
കണ്ടതും നിന്‍റെ ചിത്രമല്ലയോ
കൊയ്ത്തുപാട്ടിന്റെ താളത്തിനൊപ്പിച്ച്
ഹേമന്തവും നിന്‍ ഗാനം മൂളുന്നു
കാല ഭേദങ്ങള്‍ ഭാവങ്ങള്‍ മാറ്റിടാം
എങ്കിലും ഭൂമി വേര് മുറിക്കുമോ
എന്നപോല്‍ കാലമേതായാലും
നിന്‍റെ ഓര്‍മ്മയാനെന്റെ ശ്വാസ ഗതി
ഭൂമി നല്‍കും വരങ്ങളെ ഒക്കെയും
കൃത്രിമം ചെയ്യും മാനവ മാനസം
നിന്‍റെ ഓര്‍മ്മകള്‍ ഗാനമായ്‌ ചിത്രമായ്‌
മാറ്റുന്നു ഒരു കാമുക മാനസം
NIDHEESH VARMA RAJA U
www.nidheeshvarma.blogspot.com
വസന്തമാണെന്നുമെന്നിലെ മാറാത്ത ഋതു
ReplyDeleteനന്നായിട്ടുണ്ട്
ഋതുക്കളിലെ വസന്തം എന്നും മായാതെ നില്ക്കും. കാമുകമനസ്സിലെ പ്രണയത്തോട് ബന്ധപ്പെടുതിയത് നന്നായി. വസന്തം മാഞ്ഞാൽ, വസന്തത്തിന്റെ നല്ല ഓർമ്മകളിൽ അടുത്ത വസന്തത്തെ പ്രതീക്ഷിക്കുകയായി. പ്രണയിനിയുമായുള്ള വേര്പാട്, പ്രണയാതുരമായി വസന്തഗീതവും പാടി കാത്തിരിപ്പായി.
ReplyDeleteഭാവുകങ്ങൾ.
വസന്ത പ്രേമ ഗാനം
ReplyDeleteആശംസകൾ
ഋതുക്കളെ പ്രണയവുമായി ബന്ധപ്പെടുത്തി ഒരുപാട് കവിതകൾ പലരും എഴുതിയത് വായിച്ചുട്ടുണ്ട് ; അവയിൽ മികച്ചവയുടെ കൂട്ടത്തിൽ ഇതും ഉള്പ്പെടും
ReplyDeleteനല്ല വരികള്‍
ReplyDeleteതവ ഹാസമെൻ പ്രഭാകിരണം..
ReplyDeleteശുഭാശംസകൾ...
കൊള്ളാം കേട്ടോ ....
ReplyDelete