എന്‍റെ മനസ്സിന്‍റെ പാഴ്ചിന്തകള്‍ അക്ഷരങ്ങളെ പ്രണയിച്ചപ്പോൾ................ ..എന്‍റെ കാഴ്ചകള്‍ കാവ്യരൂപം പൂണ്ടപ്പോള്‍, അത് ഒരുപക്ഷെ താജ്‌ മഹല്‍ പോലെ സുന്ദരമാവില്ല മറിച് ഒരു കുടില്‍ പോലെ ജീവസുറ്റതാണ്.ആയിരം ജീവിതങ്ങള്‍ ഹോമിക്കേണ്ടിവന്ന താജ് മഹല്‍ മഹത്തരം തന്നെ പക്ഷെ ആയിരം ജീവിതങ്ങള്‍ക്ക്‌ തണലേകുന്ന കുടിലുകള്‍ക്കും അതിന്‍റെ മഹത്ത്വമില്ലേ?

Sunday 6 October 2013

വാക്കിന്റെ നാഥ

ഒന്നിലും ശ്രദ്ധയില്ലാതെ കഠിനത
സഹിക്കാതെ ഒന്നിൽ നിന്നൊന്നിലേക്ക്
ചാടിപോകും മനത്തെ മെരുക്കി
വേഗത്തിൽ പായുംകുതിരയാക്കാൻ നീ തുണയ്കൂ

ആടിതീർക്കുന്നു വേഷമഖിലം
കഥയറിയാതിഹ തമ്പുരാട്ടി
ഉണ്ടാവേണം നിൻ തുണയെന്നുമെന്നിൽ
വേണ്ടും രസം വേണ്ടപോലാചരിക്കാൻ

ഏറെ കാലം കഠിനതസഹിച്ച്
നേടും വിദ്യയെല്ലാം പാഴാക്കാതു
പകാരമാക്കുവാൻ ശക്തി നൽകൂ
മണിവീണയേന്തുന്ന ദേവീ

ചൊല്ലിപോകും വാക്കിൻ വിഷത്തെ
നീക്കി തേനിൻ മാധുര്യമാക്കാൻ,
വേണ്ടുംവാക്കുകൾ വേണ്ടപോലിടമുറിയാതെ
നാവിലെത്തണം വാക്കിന്റെ നാഥേ

വിദ്യകളാവശ്യം സ്വായത്തമാക്കാൻ
വേഗത്തിൽ തുണചെയ്യണം ദേവിയെന്നിൽ
മോദത്തൊട് വിളങ്ങുവാൻ ഞാൻ
 കൈകൂപ്പി കാലമെന്നും തൊഴുന്നേൻ

11 comments:

  1. സരസ്വതി നമോസ്തുഭ്യം
    കവിത്വം ഉള്ള വരികൾ മനോഹരം

    ReplyDelete
  2. സാ വിദ്യ യാ വിമുക്തയേ...

    " സരസ്വതി നമസ്തുഭ്യം
    വരദേ കാമരൂപിണീം
    വിദ്യാരംഭം കരിഷ്യാമി
    സിദ്ധിര്‍ ഭവതുമേസദാ.

    ReplyDelete
  3. ചൊല്ലിപോകും വാക്കിൻ വിഷത്തെ
    നീക്കി തേനിൻ മാധുര്യമാക്കാൻ....
    Aashamsakal.

    ReplyDelete
  4. വാക്കിലും വരിയിലും സരസ്വതി വിളയാടട്ടെ

    ReplyDelete
  5. വാഗീശ്വരീ
    തവകടാക്ഷം!

    ReplyDelete
  6. അമ്മേ, നിൻ പാദപത്മപരാഗമെൻ കർമ്മമാലിന്യമെല്ലാമൊഴിയ്ക്കണേ....


    നല്ല കവിത.ദൈവമനുഗ്രഹിക്കട്ടെ.



    ശുഭാശംസകൾ....

    ReplyDelete
  7. പ്രണാമം...വക് ദേവതേ...


    ആടിതീർക്കുന്നു വേഷമഖിലം
    കഥയറിയാതിഹ തമ്പുരാട്ടി
    ഉണ്ടാവേണം നിൻ തുണയെന്നുമെന്നിൽ
    വേണ്ടും രസം വേണ്ടപോലാചരിക്കാൻ...

    ReplyDelete
  8. സരസ്വതിയുടെ അനുഗ്രഹം ഉണ്ടാകട്ടെ എല്ലാർക്കും ...നല്ല കവിത..

    ReplyDelete
  9. സരസ്വതി നമോസ്തുതേ

    ReplyDelete
  10. അര്‍ത്ഥവത്തായ പ്രാര്‍ത്ഥന - വാഗീശ്വരിയുടെ കടാക്ഷം എന്നും ഉണ്ടായിരിക്കട്ടെ!

    ReplyDelete

എന്ത് തോന്നുന്നു? എന്തായാലും അഭിപ്രായം പറഞ്ഞോളൂ. പറഞ്ഞോളൂന്നേ.......