ഗുരുവായൂരപ്പനെ ആദ്യമായ് കണ്ടപ്പോള്‍
കളിക്കുട്ടുകാരനായി തോന്നി
കള്ളച്ചിരി കാട്ടി കള്ളത്തരങ്ങള്‍ കാട്ടും
ഉണ്ണിയായി അവിടുന്ന് മാറി
മഞ്ഞ പൂഞ്ചേല ചുറ്റി അമ്മയോടായി
കൊഞ്ചുന്ന പൈതലായി മാറി
ഇഷ്ടം പറയുവാന്‍ ഒപ്പത്തില്‍ കൂടുന്ന
ഇഷ്ടനായ് അവിടുന്നുമാറി................
ഈലോക ഭൂലോക മാനിനിമാര്‍ക്കെല്ലാം
കാമുകനായങ്ങു മാറി ...............
വേദനതോന്നുന്ന നേരത്തവിടുന്ന്‍
വേദാന്തി ആയങ്ങു മാറി
ഞങ്ങള്‍ തന്‍ ഹൃദയം തളരുന്ന നേരത്ത്
ഗീതോപദേശമായ് മാറി
തേടി അലയുന്ന തീര്‍ഥാടകന്നായി
പുണ്ണ്യതീര്‍ത്ഥമായ്‌ അവിടുന്ന് മാറി
പുണ്ണ്യതീര്‍ത്ഥമായ്‌ അവിടുന്ന് മാറി
ഒട്ടുമേ തേടാത സ്വപ്നാടകന്നായി
സ്വപ്നമയവിടുന്നു മാറി
അങ്ങയെ അറിയാത്ത നേരത്തോ
അവിടുന്ന് മായയാങ്ങു മാറി
കാലം കഴിയവേ ഓരോരോ ജീവനും
അവിടുന്നിലായ് അങ്ങ് മാറി
പിന്നെയും പിന്നെയും ആവര്‍ത്തിചീടുന്ന
നടകമായങ്ങു മാറി..............
കോപ്പി റൈറ്റ് : നിധീഷ് വര്‍മ രാജ .യു
No comments:
Post a Comment
എന്ത് തോന്നുന്നു? എന്തായാലും അഭിപ്രായം പറഞ്ഞോളൂ. പറഞ്ഞോളൂന്നേ.......